تثبيت كالي لينُكس والأنظمة الوهمية

مقدمة على كالي لينُكس

Kali Linux هو توزيعة لينُكس متقدمة ومتخصصة في الأمن السيبراني واختبار الاختراق. إذا كنت حاب تدخل عالم الهكر الأخلاقي، كالي هو السلاح تاعك. فيها كل الأدوات اللي يحتاجها المحترف باش يكتشف الثغرات في الأنظمة والشبكات: فحص الشبكات، تحليل البروتوكولات، وحتى تجربة الهجمات الآمنة.

الميزة الكبيرة في كالي أنه محدث باستمرار، الأدوات فيه حديثة وآمنة للاستعمال، وما تحتاجش تقعد تبحث على أدوات خارجية كل مرة.

بالنسبة للمبتدئين، كالي هو فرصة باش تتعلم:

• استخدام Linux عملياً في الأمن السيبراني
• أساسيات الشبكات وأنظمة التشغيل
• التعامل مع الترمنال والأوامر الأساسية

من صنع كالي لينُكس وشنو علاقتو بـ BackTrack؟

Kali Linux تطورها شركة Offensive Security، المعروفة في مجال التدريب والأمن السيبراني. قبل كالي، كان هناك توزيعة اسمها BackTrack Linux، اللي كانت شعبية جداً في الأمن السيبراني، لكن ما كانتش محدثة باستمرار.

في 2013، Offensive Security أعادت تصميم BackTrack بالكامل وأطلقت Kali Linux:

• مبنية على Debian لاستقرار أفضل وسهولة تحديث الأدوات
• كل الأدوات مدمجة وجاهزة للاستخدام
• واجهة خفيفة وسلسة للمبتدئين والمحترفين

🔗 الموقع الرسمي لكالي
🔗 ملاحظة: BackTrack انتهت واستبدلت بكالي، لكن تاريخها مهم لفهم تطور توزيعات الأمن السيبراني.

⚡ نصيحة: حتى لو كنت جديد على لينُكس، ما تخافش. الدروس موجهة للمبتدئين، وسنتعلم خطوة خطوة باش تكون قادر على التجربة بلا ما تكسر النظام أو البيانات تاعك.

طرق تثبيت كالي لينُكس

أ. تنصيب كالي على Virtual Machine (VM)

بالنسبة للمبتدئين، أفضل وأبسط طريقة باش تجرب كالي هي عبر Virtual Machine (ما تأثرش على نظامك الرئيسي). كاين خيارين مشهورين:

• VirtualBox (مجاني ومفتوح المصدر)
• VMware Workstation Player (نسخة مجانية للاستعمال الشخصي)

1. حمل النسخة الجاهزة (OVA)

Offensive Security توفر صور جاهزة لـ Kali Linux مخصصة لـ VM، يعني ما تحتاجش تثبّت كلش من الصفر:

سبق وشرحت في مقال عن الـ Virtualization

• ادخل للموقع الرسمي: https://www.kali.org/get-kali/#kali-virtual-machines

• اختر VirtualBox أو VMware حسب البرنامج اللي راح تستعمله.

• الملف يكون مضغوط بصيغة 7zip (.7z)، لذلك تحتاج برنامج مثل 7-Zip باش تفك الضغط.

2. استيراد الآلة الافتراضية

• افتح VirtualBox أو VMware.
• روح لـ File > Import Appliance.

• اختار ملف الـ .ova اللي فكيتو من الـ .7z.
• راح يبان لك إعدادات VM (RAM, CPU, Disk). تقدر تزيد RAM (4GB+) و CPU (2 cores أو أكثر) إذا جهازك يسمح.

3. تشغيل كالي

• بعد ما تكمل الاستيراد، كليك على Start.
• راح يبان لك شاشة تسجيل الدخول. الحساب الافتراضي يكون:
  • Username: kali
  • Password: kali

مبروك! عندك كالي يخدم في VM، بلا ما تلعب بزاف في إعدادات التثبيت.

⚡ ملاحظة: النسخ OVA محدثة ومعدة مسبقاً من Offensive Security، يعني ما راكش تبدأ من “صفر” كيما ISO، وهاد الشيء يسهّل بزاف على المبتدئين.

Bonus: “PimpMyKali” – حضّر كالي تاعك كيما المحترفين

كاين سكريبت معروف اسمو PimpMyKali (من المطوّر Dewalt-arch). هذا يخليك تجهّز كالي بعد التثبيت بلا ما تضيع وقت كبير. بزاف ناس يستعملوه خاصة في الـ VM (VirtualBox/VMware)، باش يحل مشاكل عادية ويزيد أدوات ناقصين.

واش يدير PimpMyKali؟

• يصلّح المشاكل لي تلقاها بعد تثبيت جديد (مفاتيح توقيع، تحديثات، مشاكل network…).
• يثبت أدوات مشهورة وحدو: Docker، Postman، linPEAS، winPEAS، إلخ.
• يعطيك Menu تختار منها: تفعيل root، تثبيت VSCode، Neo4j، API hacking tools… بزاف خيارات.

طريقة الاستعمال:

1. في Kali لي مركّبو في VM، افتح الترمينال: git clone https://github.com/Dewalt-arch/pimpmykali.git cd pimpmykali sudo ./pimpmykali.sh
2. يفتحلك قائمة، تختار منها واش تحتاج.
   تقدر تستعمل --auto باش يخدم كلش أوتوماتيك.
3. السكريبت يضبطلك السيستام ويزيد الأدوات بلا تعب.

وين يخدم وين ما يخدمش:

PimpMyKali يسهل بزاف البدايات في كالي، خاصة كي تكون أول مرة تثبته في VM. يخليك تدخل دغيا للتجارب بلا ما تضيع وقت في إعدادات مملة.

تثبيت Kali Linux على WSL بالطريقة السهلة (Microsoft Store)

1. افتح Microsoft Store من الويندوز.
2. في خانة البحث، اكتب: Kali Linux.
3. اضغط على Install وخلي التثبيت يكمل.

1. بعد ما يكمّل، افتح PowerShell واكتب: wsl -l -v رح يبان عندك قائمة التوزيعات (مثلاً Ubuntu, Kali-Linux…).

1. باش تخلي Kali Linux هي التوزيعة الافتراضية، اكتب: wsl --set-default Kali-Linux (انتبه للاسم كيفما يبان في القائمة).
2. الآن كي تكتب فقط: wsl رح يفتحلك Kali Linux مباشرة

أول تشغيل لـ Kali Linux على WSL

بعد ما درنا التثبيت وخليّناها هي الافتراضية، كي تكتب:

wsl

رح يفتح لك Kali Linux. في المرة الأولى، يطلب منك:

1. إعداد اسم مستخدم جديد (username).
   مثلاً: Enter new UNIX username: doctorhou
2. إعداد كلمة سر (password).
   لازم تكون قوية، وإذا ما عجبكش تقدر تبدلها في أي وقت بالأمر: passwd

تحديث النظام (مهم بزاف)

أول حاجة بعد التثبيت:

sudo apt update && sudo apt upgrade -y

باش يجيب آخر تحديثات وأمان.

تثبيت الأدوات الأساسية

WSL يجي خفيف، ما فيهش كل أدوات Kali. نقدر نزيد الأدوات بالـ metapackages:

• أدوات أساسية للهكر الأخلاقي: sudo apt install -y kali-tools-top10
• أدوات الشبكات: sudo apt install -y kali-tools-wireless
• أدوات استغلال (Exploitation): sudo apt install -y kali-tools-exploitation

(تقدر تختار حسب احتياجاتك).

استعمال WSL كأنه Linux كامل

• تشغل أي أمر Linux عادي: ls pwd whoami
• توصل ملفاتك في Windows من داخل WSL عبر /mnt/c/Users/...
• والعكس تقدر توصل ملفات WSL من Windows في: \wsl$Kali-Linux

تشغيل واجهة رسومية في WSL2 باستعمال Win-KeX

بما أن WSL (خاصة على ويندوز 10) يجي بدون GUI، مطوري Kali دارو حل اسمو Win-KeX (Windows + Kali + X11).
هذا يسمحلك تفتح سطح مكتب كامل تاع Kali داخل ويندوز، بلا VirtualBox ولا VMware.

تثبيت Win-KeX

بعد ما تثبت Kali على WSL2، نفذ:

sudo apt update
sudo apt install -y kali-win-kex

تشغيل Win-KeX

كاين عدة أوضاع:

1. وضع كامل (Window mode)
   يفتح سطح مكتب كامل تاع Kali في نافذة وحدة: kex --win -s

1. وضع Seamless
   يخلي تطبيقات Kali يبانوا وكأنهم برامج ويندوز (مثلاً Wireshark، BurpSuite): kex --sl --s
2. وضع Enhanced Session (خاص بالـ RDP)
   يعطيك تجربة أغنى عبر Remote Desktop: kex --esm

ملاحظات للمبتدئين

• أول مرة تشغل KeX رح يطلب كلمة سر جديدة لـ VNC، خزّنها مليح.
• إذا الشاشة سودة أو ما يخدمش، جرّب توقف السيرفر ثم أعد التشغيل: kex --stop kex --start
• يستهلك موارد أكثر من WSL عادي، فزيد RAM/CPU لو عندك إمكانية.

🔗 في ويندوز 11، إذا عندك WSLg، غالباً ما تحتاجش KeX، بصح لو أنت في ويندوز 10 أو تحب Desktop كامل، KeX يبقى أحسن خيار.

ج. Bare-metal (تنصيب مباشر)

• المزايا: أفضل أداء، كامل الموارد متاحة
• خطوات مفصلة:

1. حضّر USB ≥ 8GB مع صورة ISO
2. أعد تشغيل الجهاز، ادخل BIOS/UEFI، غير ترتيب الإقلاع لتكون USB أولاً
3. اختر Graphical Install
4. اتبع التعليمات خطوة بخطوة: اللغة، الوقت، تقسيم القرص (Partitioning)، إنشاء المستخدم
5. بعد التثبيت، أعد التشغيل وأدخل بكلمة المرور الجديدة

⚡ نصيحة: اعمل نسخة احتياطية قبل أي تثبيت مباشر.

جولة في كالي

1. شاشة الدخول (Login Screen)

كي تشعل كالي، يبانلك شاشة الدخول.

• تدخل بالـ username + password لي درتهم وقت التنصيب.
• الحساب ماشي root by default.

2. سطح المكتب (Desktop)

من بعد الدخول، تلقى روحك في سطح المكتب .

• الشريط العلوي (Taskbar):
  • الزاوية اليسرى: Applications Menu (القائمة الرئيسية).
  • بجنبها: Shortcuts للـ Terminal, File Manager, Web Browser.
  • الزاوية اليمنى: أيقونات تاع الصوت، الشبكة، البطارية (لو كان لاب توب)، الموارد (CPU/RAM usage)، وLogout/Shutdown.
• سطح المكتب الفارغ: تقدر تحط فيه ملفات ولا أيقونات.
• سطح المكتب المتعدد: كالي يجي افتراضي بـ 4 Desktops (تبدل بينهم من فوق يمين).

3. التيرمينال (Terminal)

الأداة الأساسية تاعك. تفتحها من:

• أيقونة التيرمينال فوق.
• ولا Ctrl + Alt + T.

الأوامر البسيطة:

whoami   # اسم المستخدم
pwd      # المسار الحالي
ls       # عرض الملفات

💡 ملاحظة: أنا نستعمل Terminator + Oh My Zsh باش نجمّل التيرمينال. رح نكتب مقالة خاصة بيهم.

4. مدير الملفات (File Manager)

الافتراضي هو Thunar (خفيف وبسيط).

• Home: ملفاتك الخاصة.
• /etc/: إعدادات النظام.
• /usr/bin/: الأدوات والبرامج.
• /var/log/: اللوغات.

5. القائمة الرئيسية (Applications Menu)

نقطة القوة تاع كالي: الأدوات منظمة في التصنيفات داخل Applications Menu:

• Information Gathering (Nmap, etc).
• Vulnerability Analysis.
• Web Application Analysis.
• Password Attacks.
• Wireless Attacks.
• … (كل صنف عندو أدواتو).

6. تعدد أسطح المكتب (Workspaces)

كما قلت: كالي يجي بـ 4 Desktops افتراضياً.

• تقدر تحط Terminal في واحد، Browser في واحد آخر، وهكذا…
• تبدل بينهم من الأيقونات فوق يمين فالـ Taskbar.

“بهذا نكون حضرنا بيئتنا: عرفنا كيفاش نثبت كالي لينُكس على أكثر من طريقة، ودّينا جولة في الواجهة والتيرمنال والملفات والأدوات الأساسية. من الآن عندك أرضية صلبة باش تبدأ الرحلة. في الجزء القادم، رح نركز على الأوامر الأساسية في لينُكس، لأنها المفتاح باش تتحكم في النظام وتولي مرتاح معاه.”

الخاتمة

وبهذا نكونو غطّينا أهم حاجة في البداية: كيفاش تثبّت كالي لينُكس بأكثر من طريقة، ودّينا جولة في الواجهة، الترمينال، الملفات، والأدوات الأساسية اللي فيه.
في الصفحة الجاية رح نبدأو أوامر لينُكس الأساسية، ونشوفو أهم الأوامر باش تتحكم في الملفات والمجلدات، وتتعلم أساسيات إدارة النظام بطريقة عملية وبسيطة.